又食又玩！
又食又玩！
今日第1次黎將軍澳 Popcorn 嘅山見台式火鍋 ! 店門裝修光猛 , 而且樓底極高 , 感覺舒服 , 好有空間感 ~ 座位都好闊落??? 仲有好多唔同種類嘅座位 , 卡座 , 圓枱 , 大長枱等 , 啱晒情侶 , 一家大細 , 一大班朋友過嚟聚會啊 !!\n \n晚市放題分咗 5 個 level , 我地今次食 Lv. 3 極品套餐 ($328 @) , 100 分鐘任食 !! 我地揀左將軍澳分店獨家嘅佛跳牆湯底 (+$28) !! 好足料 ?? 好多條小刺參 , 鮑魚 , 花膠 , 圓肉 , 杞子等藥材 ! 打邊爐之前一定要飲吓個湯 ?? 真係好好飲 !! 濃味但係唔鹹 , 飲得出係真材實料煲嘅靚湯 !!\n \n配合番食店嘅溫泉主題 , 入座時店員會比一張明信片你 , 寫低自己嘅住址 , 放係門口嘅紅色郵筒 , 張明信片就會寄返去你屋企 , 下次嚟食嘅時候 , 拎住呢張明信片就有減 $50 嘅優惠 !! 好玩又有優惠 , 而且張明信片嘅設計都好用心 , 好靚 ??\n \n自助區位於 2 邊座位區嘅中間 , 方便食客拎嘢食 !! 熟食有好多台式食物 , 例如滷肉飯 , 烤台灣香腸 , 蟹粉小籠包 , 雞腳 , 麵線 , 台式酸辣羹 , 炸物等等。醬料區同樣好多款式 , 有 d 仲係充滿台灣特色 , 例如特製蔥油同辣油 ?? 超有新鮮感 ！甜品區有台式嘅芋圓仙草 , 可以自行配搭 , 出邊食 1 碗都幾十蚊 , 呢度可以任食 , 真係超抵呀 ?? 飲品區有 2 個大雪櫃 , 自家製冷泡茶 , 罐裝茶類 , 果汁 , 汽水等等 , 另外仲有水蜜桃沙冰 !\n除咗自助區 , 大家仲可以用 QR code 落單嗌嘢食 , 例如麻辣鴨血 , 醉雞卷 , 款式真係多到食唔晒呀 !\n \n食咗咁多款嘢食 , 有幾款特別推介俾大家 ??\n台式滷肉飯 , 個汁味道啱啱好 , 滷肉口感一流 , 唔油膩 , 高質 ! 我食咗 2 碗 ?? 肉類我就推介卡樂 Beef , 月見封門柳同美國殼飼黑毛豬 ! 蝦膠釀竹笙 , 我 encore 咗 2 次 , 竹笙脆卜卜 , 入邊嘅蝦滑好彈牙 , 好好食 !\n \n我仲試咗椰子水 , 好好飲 , 唔太甜 , 味道好清新 ??\n \n店員比左 4 個代幣可以去門口玩夾波波 , 有好多唔同嘅禮物 , 又有得食 , 又有得玩 , 真係唔錯嘅體驗 !
上一篇：Smart精灵1号
下一篇：38大促达人直播间定金作业
