置身英倫般 品嘗威靈頓牛
置身英倫般 品嘗威靈頓牛
以金牛角做牆飾，藍色牆身配襯啡紅色弧形梳化，充滿英倫風格，而家仲掛滿聖誕裝飾及擺放咗聖誕樹，更加充滿節日氣氛??。
晚市套餐有兩款，一款係$598，另一款係$398，當中包咗前菜、餐湯、麵包、主菜及飲品，$598嘅主菜當然名貴好多，而且仲包埋甜品添?。
?前菜
? 凱撒沙律
可以揀雞或牛，我哋揀咗雞，雞肉新鮮燒起炭烤味夠香，而且雞味都幾濃，仲有啲卜卜脆嘅煙肉粒及麵包粒，夾埋新鮮沙律菜，清爽同時亦好香口。
? 自家製生牛肉他他
軟滑生牛肉混合洋蔥、蕃茄等清爽食材，醬汁酸爽清新，風味一流，再加多隻生鵪鶉蛋，增添滑溜口感?。
?餐湯
牛肝菌野菌忌廉湯
幼滑濃湯內有細碎腍滑口感嘅菇菌，啖啖濃郁菇菌香，食出原味道?。
?麵包
自家製牛骨髓牛油包
蕃茄香草包表面微脆亦帶鬆軟，本身味道已經好香，再搽埋香滑牛骨髓牛油更加正。
?主菜
? 黑松露鵝肝威靈頓牛柳
(套餐價$598)
焗到酥脆嘅黃金皮內包裹着粉嫩juicy又軟腍嘅牛柳，並帶着香濃嘅黑松露味以及鵝肝嘅軟綿口感?。
? 香煎澳洲PR級草飼肉眼8安士 (套餐價$398)
煎到表面焦香內裡juicy，7成熟剛剛好，肉質軟腍；配上沙律菜及焗蒜頭，個蒜頭焗到非常綿腍香甜?。
?甜品
自家製栗子提拉米蘇
而家秋天栗子正值當造， 食埋佢嘅自家製栗子Tiramisu都唔錯。
??飲品
熱檸茶
實在太多嘢想食， 可惜得兩個人食唔到咁多嘢，見 隔離枱嘅$598套餐中香煎鵝肝配美國封門柳及$398套餐中西班牙黑毛豬豬鞍都好似好正，下次一定要再嚟食過?。
?OX Steak Lounge
舊墟直街9號粵發大廈地下1號舖
#分享我的日常
#餐厅推荐 #舌尖上的盛宴 #大埔美食
#牛扒
